អង្គភាពសារព័ត៌មានខ្មែរសូក្រឹត្យ សុំការបំភ្លឺពីលោកឧត្តមសេនីយ៍ទោ ខូវ លីស្នងការខេត្តឧត្តរមានជ័យ ដែលបណ្តាញសង្គម និងសារព័ត៌មានជាច្រើនបានផ្សព្វ ផ្សាយថាមានការពាក់ព័ន្ធជាមួយនឹង ឧកញ៉ាអុឹម សុផាន់ណារិទ្ធ ហៅ(ចែទូច)

 

អង្គភាពសារព័ត៌មានខ្មែរសូក្រឹត្យក្រោយពីឃើញអង្គភាពសារព័ត៌មានជាច្រើនក្នុងស្រុក និងបណ្ដាញសង្គមទំនាក់ទំនងជាច្រើនបានធ្វើការផ្សព្វផ្សាយដាក់រូបលោកឧត្តមសេនីយ៍ទោ ខូវ លីស្នងការខេត្តឧត្តរមានជ័យ ថាមានការពាក់ព័ន្ធជាមួយនឹង ឧកញ៉ាអុឹម សុផាន់ណារិទ្ធ ហៅ(ចែទូច) ម្ចាស់ក្រុមហ៊ុនអុឹមសុផាន់ណារិទ្ធ ដែលស្តុកសាច់បង្កកនាំមកពីប្រទេសសៀមចូលកម្ពុជា ទាំងដែលច្រកអន្តរជាតិបានបិទទ្វារគ្រប់ច្រក!!

អង្គភាពសារព័ត៌មានយើងបានខល សុំការបំភ្លឺពីលោកឧត្តមសេនីយ៍ទោខូវ លី ស្នងការខេត្តឧត្តរមានជ័យដែរតែមិនលើក និងបានសុំការបំភ្លឺតាមប្រព័ន្ធតេឡេក្រាម  តែលោកចូលមើលហើយមិនមានការឆ្លើយតប  នឹងបំភ្លឺអ្វីនោះទេមកកាន់អង្គភាពយើង  និងក៏មិនឃើញមានលិខិតបំភ្លឺជាសាធារណៈ ណាមួយដែរ៕

សំណួរសួរថា៖ តើពិតដែរឬទេ??  លោកឧត្តមសេនីយ៍ទោ ខូវ លី មានការពាក់ព័ន្ធ ជាមួយឃ្លាំងស្តុកសាច់បង្កកនាំចូលពីប្រទេសសៀមរបស់ ឧកញ៉ា អុឹម សុផាន់ណារិទ្ធហើយ (ចែទូច) ដែរឬទេ??

នៅថ្ងៃទី៨  ខែតុលា ឆ្នាំ២០២៥   នៅប៉ុន្មានម៉ោងមុននេះយើងឃើញថា សម្ដេចតេជោ ហ៊ុន សែន៖ សូមស្នើរាជរដ្ឋាភិបាល និងអាជ្ញាធរគ្រប់លំដាប់ថ្នាក់កំចាត់ចោលមន្ត្រី និងឈ្មួញដែលនៅបន្តលួចនាំទំនិញថៃ ចូលក្នុងពេលព្រំដែននៅបិទ ដែលធ្វើឲ្យអ្នកជិតខាងយើងមើលងាយយើងថា អត់ទំនិញគេមិនបាន។ ប្រសិនបើខ្ញុំនៅធ្វើនាយករដ្ឋមន្ត្រីដូចពេលមុនខ្ញុំមិនបាច់និយាយភាសានេះទេ គឺចេញបញ្ជាចាប់ខ្លួន ឬដកចេញពីមន្ត្រីតែម្តង ប៉ុន្តែសូមកុំគិតថា (ឆ្មាមិននៅកណ្តុរឡើងរាជ្យឲ្យសោះ)

ប្រជាពលរដ្ឋទូទាំងប្រទេសក៏ដូចជាអ្នកសារព័ត៌មានក្នុងស្រុកជាច្រើនរង់ចាំ មើលចំណាត់ការបន្តរបស់រាជរដ្ឋាភិបាលនិងថ្នាក់ដឹកនាំគ្រប់ជាន់ថ្នាក់ទៅលើ ឧកញ៉ា អុឹម សុផាន់ណារិទ្ធហៅ(ចែទូច) ដែលនាំចូលទំនិញពីរសៀមមកប្រទេសកម្ពុជាទាំងដែលប្រទេសសៀមកំពុងតែឈ្លានពានទឹកដីកម្ពុជានិងមើលងាយប្រមាថប្រទេសជាតិរបស់ខ្លួន