ព្រះរាជាណាចក្រកម្ពុជា
ជាតិ សាសនា ព្រះមហាក្សត្រសេចក្តីជូនដំណឹង
អង្គភាពសារព័ត៌មានខ្មែរសូក្រឹត្យ (KSK TV ONLINE) មានកិត្តិយសសូមជម្រាបជូនដំណឹងដល់សាធារណៈ ជន ក្រសួង មន្ទីរ ស្ថាប័ន អង្គការ សមាគមជាតិ-អន្តរជាតិ សារព័ត៌មានជាតិ-អន្តរជាតិ និងអាជ្ញាធរមានសមត្ថកិច្ចគ្រប់ ជាន់ថ្នាក់ ទាំង២៥ រាជធានី-ខេត្ត និងបុគ្គលិក ភ្នាក់ងាររបស់ អង្គភាពសារព័ត៌មានខ្មែរសូក្រឹត្យ មេត្តាជ្រាបថា៖ ដោយ អង្គភាពសង្កេតឃើញថាមួយរយៈក្រោយនេះមានជនមួយចំនួនប្រើប្រាស់កាតសម្គាល់ខ្លួនដែលផុតសុពលភាពចេញ ដោយអង្គភាពយកទៅប្រើប្រាស់ផ្ទុយខុសពីផ្លូវច្បាប់ សូមអោយបញ្ចប់ជាបន្ទាន់ បើនៅតែបន្តនោះអង្គភាពសារ ព័ត៌មានខ្មែរសូក្រឹត្យ នឹងចាត់ការទៅតាមនីតិវិធីច្បាប់ ។
សូមបងប្អូនដែលមានកាតរបស់អង្គភាពសារព័ត៌មានខ្មែរសូក្រឹត្យ ចេញដោយក្រសួងព័ត៌មានឆ្នាំ២០២៥ រាល់ ការផ្សព្វផ្សាយព័ត៌មានត្រូវមានមូលដ្ឋាន និងប្រភពច្បាស់លាស់ ត្រូវគោរពច្បាប់របបស្តីពីសារព័ត៌មានឆ្នាំ១៩៩៥ និង ក្រមសីលធម៌ធម្មនុញ្ញវិជ្ជាជីវៈនៃព្រះរាជាណាចក្រកម្ពុជា និងធ្វើការផ្សព្វផ្សាយតាម វេបសាយផ្លូវការរបស់អង្គភាព www.khmersokhrith.com.kh និងផេកផ្លូវការអង្គភាពខ្មែរសូក្រឹត្យ បើបុគ្គលិក រឺភ្នាក់ងារណាផ្សព្វផ្សាយព័ត៌មាន មិនមានមូលដ្ឋានប្រភពច្បាស់លាស់ មិនគោរពតាមច្បាប់របបស្តីពីសារព័ត៌មាន មិនគោរពធម្មនុញ្ញវិជ្ជាជីវៈសារ ព័ត៌មាន អង្គភាពសារព័ត៌មានខ្មែរសូក្រឹត្យ សូមមិនទទួលខុសត្រូវឡើយ ។
ដូចបានជម្រាបជូនខាងលើនេះសូម ក្រសួង មន្ទីរ ស្ថាប័ន អង្គការ សមាគមជាតិ-អន្តរជាតិ សារព័ត៌មានជាតិ-អន្តរជាតិ និងអាជ្ញាធរមានសមត្ថកិច្ចគ្រប់ជាន់ថ្នាក់ ទាំង២៥ រាជធានី-ខេត្ត មេត្តាជ្រាបជាព័ត៌មាន ។
អង្គភាពសារព័ត៌មានខ្មែរសូក្រឹត្យ ពេញចិត្ត និងរង់ចាំសហការជាមួយ ក្រសួង មន្ទីរ ស្ថាប័ន អង្គការ សមាគម ជាតិ-អន្តរជាតិ សារព័ត៌មានជាតិ-អន្តរជាតិ និងអាជ្ញាធរមានសមត្ថកិច្ចគ្រប់ជាន់ថ្នាក់ ទាំង២៥ រាជធានី-ខេត្ត រាល់ ម៉ោងធ្វើការ ចំពោះបុគ្គលណាដែលបានប្រព្រឹត្តខុស ដូចក្នុងសេចក្តីជូនដំណឹងនេះ ក្នុងនោះដែរបើអង្គភាពរកឃើញ ថាបុគ្គលិក និង ភ្នាក់ងារយកព័ត៌មាន រូបណាដែលប្រព្រឹត្តខុសផ្ទុយពីផ្លូវច្បាប់ អង្គភាពនឹងបន្តចំណាត់ការតាមនីតិវិធី ច្បាប់ជាធរមាន ។
ថ្ងៃអង្គារ ៣កើត ខែភទ្របទ ឆ្នាំម្សាញ់ សប្តស័ក ព.ស ២៥៦៩ រាជធានីភ្នំពេញ ថ្ងៃទី២៦ ខែសីហា ឆ្នាំ២០២៥
No comments:
Post a Comment