គេហទំព័រ / www.kehaktomporkhmersokrith.com.kh សូមគោរពនិងជំរាបសួរ ទ្រង់ឯកឧត្តម លោកជំទាវ អ្នកឧកញ៉ា អស់លោក លោកស្រី អ្នកនាងកញ្ញា និង ពុកម៉ែបងប្អូនជនរួមជាតិទាំងអស់ ដែលតែងតែនិយមវិស័យព័ត៌មានអនឡាញជាទីមេត្រី ខ្ញុំបាទ មានឧត្តមគតិជាអ្នកស្រលាញ់ប្រទេសជាតិ និងវិជ្ជាជីវៈជាអ្នកសារព័ត៌មាន ពិតប្រាកដ សូមជួយlike ជួយshare ផង ពុកម៉ែបងប្អូនដើម្បីសង្គមជាតិ មាតុភូមិរបស់យើងទទួលបានព័ត៌មានទាំងអស់គ្នាណា។ សូមអរគុណ...!

Breaking

Friday, July 18, 2025

កម្លាំងអាវុធហត្ថខេត្តបន្ទាយមានជ័យ បង្ក្រាបទីតាំងល្បែងអនឡាញ នៅក្រុងប៉ោយប៉ែត, ឃាត់ខ្លួនជនជាតិចិន២៨នាក់

កម្លាំងអាវុធហត្ថខេត្តបន្ទាយមានជ័យ បង្ក្រាបទីតាំងល្បែងអនឡាញ នៅក្រុងប៉ោយប៉ែត, ឃាត់ខ្លួនជនជាតិចិន២៨នាក់

(បន្ទាយមានជ័យ)៖ កម្លាំងអាវុធហត្ថ បានបើកប្រតិបត្តិការបង្ក្រាបទីតាំងបើកល្បែងអនឡាញមួយកន្លែង នៅភូមិគីឡូម៉េត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ដោយឃាត់ខ្លួនជនជាតិចិនចំនួន២៨នាក់ នៅថ្ងៃទី១៨ ខែកក្កដា ឆ្នាំ២០២៥។

លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានបញ្ជាក់ថា ប្រតិបត្តិការនេះដឹកនាំដោយលោក លៀម សូដា អភិបាលរងខេត្ត និងមានការសម្របសម្រួលនីតិវិធីពីលោក សំរិទ្ធ សុខុន ព្រះរាជអាជ្ញារងនៃអយ្យការអមសាលាដំបូងខេត្ត។

របាយការណ៍ដដែលបានបញ្ជាក់ថា ការបង្ក្រាបទីតាំងបើកល្បែងអនឡាញនេះកម្លាំងសមត្ថកិច្ច ឃាត់ខ្លួនជនសង្ស័យចំនួន២៨នាក់/ស្រី៣នាក់ (ជនជាតិចិន), កុំព្យូទ័រចំនួន១៦គ្រឿង, ម៉ាស៊ីនព្រីនចំនួន២គ្រឿង, តុធ្វើការចំនួន១៨, ទូរស័ព្ទចំនួន៩៥គ្រឿង, ipad ចំនួន១៦គ្រឿង, Icom ៤គ្រឿង, សម្លៀកបំពាក់ប៉ូលីសចិនមួយចំនួន, ខ្នោះដៃចំនួន១, ទូដែកចំនួន១, ជញ្ជីងថ្លឹងគ្រឿងញៀន, ម៉ាស៊ីនព្រីនចំនួន១គ្រឿង, ប្រអប់ដាក់គ្រឿងញៀនចំនួន១, ម្សៅក្រាមពណ៌សថ្លាសង្ស័យសារធាតុញៀនមួយចំនួនធំ និងសម្ភារៈប្រើប្រាស់ផ្ទាល់ខ្លួនមួយចំនួន។

បច្ចុប្បន្នកម្លាំងជំនាញកងរាជអាវុធហត្ថខេត្តបន្ទាយមានជ័យ កំពុងកសាងសំណុំរឿងអនុវត្តតាមនីតិវិធី៕

No comments:

Post a Comment

Post Top Ad

Your Ad Spot

Pages